Vallalar.Net
Vallalar.Net

புலைய

பாடல் எண் :432
புலைய மாதர்தம் போகத்தை விழைந்தேன்
புன்மை யாவைக்கும் புகலிடம் ஆனேன்
நிலைய மாம்திருத் தணிகையை அடையேன்
நிருத்தன் ஈன்றருள் நின்மலக் கொழுந்தே
விலையி லாதநின் திருவருள் விழையேன்
வீணர் தங்களை விரும்பிநின் றலைந்தேன்
இலைஎ னாதணு வளவும் ஒன்றீயேன்
என்செய் வான்பிறந் தேன்எளி யேனே
பாடல் எண் :1156
புலைய மங்கையர் புணர்முலைக் குவட்டில் 

போந்து ருண்டெனைப் புலன்வழிப் படுத்திக் 
கலைய நின்றதிக் கல்லுறழ் மனந்தான் 

கடைய னேன்செயக் கடவதொன் றறியேன் 
விலையி லாஉயர் மாணிக்க மணியே 

வேத உச்சியில் விளங்கொளி விளக்கே 
சிலைவி லாக்கொளும் ஒற்றிஎம் மருந்தே 

செல்வ மேபர சிவபரம் பொருளே