Vallalar.Net
Vallalar.Net

பேதை

பாடல் எண் :1009
பேதை மாதர்தம் மருங்கிடை ஆழ்ந்த 

பிலத்தில் என்தனைப் பிடித்தழ வீழ்த்தி 
வாதை உற்றிட வைத்தனை ஐயோ 

மதியில் காமமாம் வஞ்சக முறியா 
ஏதம் நீத்தருள் அடியர்தம் சார்வால் 

எழுகின் றேன்எனை இன்னும்நீ இழுக்கில் 
ஓதும் ஒற்றியூர்ச் சிவன்அருள் வாளால் 

உன்னை வெட்டுவல் உண்மைஎன் றுணரே
பாடல் எண் :1134
பேதை நெஞ்சினேன் செய்பிழை எல்லாம் 

பேசி னால்பெரும் பிணக்கினுக் கிடமாம் 
தாதை நீஅவை எண்ணலை எளியேன் 

தனக்கு நின்திருத் தண்அளி புரிவாய் 
கோதை நீக்கிய முனிவர்கள் காணக் 

கூத்து கந்தருள் குணப்பெருங் குன்றே 
தீதை நீக்கிய ஒற்றிஎம் பெருமான் 

தில்லை ஓங்கிய சிவானந்தத் தேனே