Vallalar.Net
Vallalar.Net

பொன்னுடையார்

பாடல் எண் :1944
பொன்னுடையார் வாயிலில்போய் வீணே காலம் 

போக்குகின்றேன் இவ்வுலகப் புணர்ப்பை வேண்டி 
என்னுடையாய் நின்னடியை மறந்தேன் அந்தோ 

என்செய்கேன் என்செய்கேன் ஏழை யேன்நான் 
பின்னுடையேன் பிழைஉடையேன் அல்லால் உன்றன் 

பேரருளும் உடையேனோ பிறந்தேன் வாளா 
உன்னுடைய திருவுளத்தென் நினைதி யோஎன் 

ஒருமுதல்வா ஸ்ரீராமா உணர்கி லேனே
பாடல் எண் :2160
பொன்னுடையார் இடம்புகவோ அவர்கட் கேற்கப் 

பொய்ம்மொழிகள் புகன்றிடவோ பொதிபோல் இந்தக்
கொன்னுடையா உடல்பருக்கப் பசிக்குச் சோறு

கொடுக்கவோ குளிர்க்காடை கொளவோ வஞ்ச
மின்னிடையார் முடைச்சிறுநீர்க் குழிக்கண் அந்தோ

வீழ்ந்திடவோ தாழ்ந்திளைத்து விழிக்க வோதான்
என்னுடையாய் என்னுடையாய் என்னை இங்கே

எடுத்துவளர்த் தனைஅறியேன் என்சொல் வேனே