போற்றி

போற்றி ஒற்றியூர்ப் புண்ணி யன்திரு
நீற்றி னான்தனை நினைந்து நிற்பையேல்
தோற்ற ரும்பரஞ் சோதி நல்அருள்
ஊற்றெ ழும்கடல் ஒக்க நெஞ்சமே

திருச்சிற்றம்பலம்

 திருப்புகழ் விலாசம் 
திருவொற்றியூர்
எண்சீர்க் கழிநெடிலடி ஆசிரிய விருத்தம்
திருச்சிற்றம்பலம்

போற்றி நின்அருள் போற்றி நின்பொது 
போற்றி நின்புகழ் போற்றி நின்உரு 
போற்றி நின்இயல் போற்றி நின்நிலை 
போற்றி நின்நெறி போற்றி நின்சுகம் 
போற்றி நின்உளம் போற்றி நின்மொழி 
போற்றி நின்செயல் போற்றி நின்குணம் 
போற்றி நின்முடி போற்றி நின்நடு 
போற்றி நின்அடி போற்றி போற்றியே

போற்றி நின்இடம் போற்றி நின்வலம் 
போற்றி நின்நடம் போற்றி நின்நலம் 
போற்றி நின்திறம் போற்றி நின்தரம் 
போற்றி நின்வரம் போற்றி நின்கதி 
போற்றி நின்கலை போற்றி நின்பொருள் 
போற்றி நின்ஒளி போற்றி நின்வெளி 
போற்றி நின்தயை போற்றி நின்கொடை 
போற்றி நின்பதம் போற்றி போற்றியே

போற்றி உரைக்கின்றேன் பொய்என் றிகழாதீர் 
நாற்றிசைக்கண் வாழும் நமரங்காள் - ஆற்றலருள் 
அப்பன்வரு கின்றான் அருள்விளையாட் டாடுதற்கென் 
றிப்புவியில் இத்தருணம் இங்கு