Vallalar.Net
Vallalar.Net

மணியே

பாடல் எண் :46
மணியே தினைப்புன வல்லியை வேண்டி வளர்மறைவான்
கணியே எனநின்ற கண்ணே என்உள்ளக் களிநறவே
பணியேன் எனினும் எனைவலிந் தாண்டுன் பதந்தரவே
நணியே தணிகைக்கு வாஎன ஓர்மொழி நல்குவையே
பாடல் எண் :183
மணியே அடியேன் கண்மணியே மருந்தே அன்பர் மகிழ்ந்தணியும்
அணியே தணிகை அரசேதெள் அமுதே என்றன் ஆருயிரே
பிணிஏய் துயரால் வருந்திமனப் பேயால் அலைந்து பிறழ்கின்றேன்
தணியேன் தாகம் நின்அருளைத் தருதல் இலையேல் தாழ்வேனே
பாடல் எண் :284
மணியே கலாப மலைமேல் அமர்ந்த மதியே நினைச்சொல் மலரால்
அணியேன் நல்அன்பும் அமையேன் மனத்தில் அடியார் அடிக்கண் மகிழ்வாய்ப்
பணியேன் நினைந்து கதையேன் இருந்து பருகேன் உவந்த படியே
எணியே நினைக்கில் அவமாம்இவ் வேலைழ எதுபற்றி உய்வ தரசே
பாடல் எண் :5051
மணியே நின்னைப் பொதுவில் கண்ட மனிதர் தேவ ரே 
மனிதர் கண்ணிற் பட்ட புல்லும் மரமும் தேவ ரே 
அணியே நின்னைப் பாடும் அடியர் தாமோ மூவ ரே 
அவரைக் கண்டார் அவரைக் கண்டார் அவர்கள் மூவ ரே  எனக்கும் உனக்கும்