Vallalar.Net
Vallalar.Net

மன்னுதிருச்

பாடல் எண் :4221
மன்னுதிருச் சபைநடுவே மணவாள ருடனே 

வழக்காடி வலதுபெற்றேன் என்றஅத னாலோ 
இன்னும்அவர் வதனஇள நகைகாணச் செல்வேன் 

என்றுசொன்னேன் இதனாலோ எதனாலோ அறியேன் 
மின்னும்இடைப் பாங்கிஒரு விதமாக நடந்தாள் 

மிகப்பரிவால் வளர்த்தவளும் வெய்துயிர்த்துப் போனாள் 
அன்னநடைப் பெண்களெலாம் சின்னமொழி புகன்றார் 

அத்தர்நட ராயர்திருச் சித்தம்அறிந் திலனே
பாடல் எண் :5724
மன்னுதிருச் சபைநடுவே வயங்குநடம் புரியும் 

மணவாளர் திருமேனி வண்ணங்கண் டுவந்தேன் 
என்னடிஇத் திருமேனி இருந்தவண்ணம் தோழி 

என்புகல்வேன் மதிஇரவி இலங்கும்அங்கி உடனே 
மின்னும்ஒன்றாய்க் கூடியவை எண்கடந்த கோடி 

விளங்கும்வண்ணம் என்றுரைக்கோ உரைக்கினும்சா லாதே 
அன்னவண்ணம் மறைமுடிவும் அறைவரிதே அந்த 

அரும்பெருஞ்சோ தியின்வண்ணம் யார்உரைப்பர் அந்தோ