மறைமுடி

மறைமுடி விளக்கே போற்றி மாணிக்க மலையே போற்றி
கறைமணி கண்ட போற்றி கண்ணுதற் கரும்பே போற்றி
பிறைமுடிச் சடைகொண் டோ ங்கும் பேரருட் குன்றே போற்றி
சிறைதவிர்த் தெனையாட் கொண்ட சிவசிவ போற்றி போற்றி  
 எழுசீர்க் கழிநெடிலடி ஆசிரிய விருத்தம்

மறைமுடி வயங்கும் ஒருதனித் தலைமை 

வள்ளலே உலகர சாள்வோர்
உறைமுடி வாள்கொண் டொருவரை ஒருவர் 

உயிரறச் செய்தனர் எனவே
தறையுறச் சிறியேன் கேட்டபோ தெல்லாம் 

தளர்ந்துள நடுங்கிநின் றயர்ந்தேன்
இறையும்இவ் வுலகில் கொலைஎனில் எந்தாய் 

என்னுளம் நடுங்குவ தியல்பே   
  உறைஉறு - முதற்பதிப்பு, பொசு, ச மு க

மறைமுடி விளங்கு பெரும்பொருள் என்கோ 

மன்னும்ஆ கமப்பொருள் என்கோ 
குறைமுடித் தருள்செய் தெய்வமே என்கோ 

குணப்பெருங் குன்றமே என்கோ 
பிறைமுடிக் கணிந்த பெருந்தகை என்கோ 

பெரியஅம் பலத்தர சென்கோ 
இறைமுடிப் பொருள்என் உளம்பெற அளித்திங் 

கென்னைஆண் டருளிய நினையே