Vallalar.Net
Vallalar.Net

மாயைஎனும்

பாடல் எண் :2597
மாயைஎனும் இரவில்என் மனையகத் தேவிடய வாதனைஎ னுங்கள் வர்தாம்

வந்துமன அடிமையை எழுப்பிஅவ னைத்தமது வசமாக உளவு கண்டு
மேயமதி எனும்ஒரு விளக்கினை அவித்தெனது மெய்ந்நிலைச் சாளி கைஎலாம்

வேறுற உடைத்துள்ள பொருள்எலாம் கொள்ளைகொள மிகநடுக் குற்று நினையே
நேயம்உற ஓவாது கூவுகின் றேன்சற்றும் நின்செவிக் கேற இலையோ

நீதிஇலை யோதரும நெறியும்இலை யோஅருளின் நிறைவும்இலை யோஎன் செய்கேன்
ஆயமறை முடிநின்ற தில்லையம் பதிமருவும் அண்ணலார் மகிழும் மணியே

அகிலாண்ட மும்சரா சரமும்ஈன் றருள்பரசி வானந்த வல்லி உமையே
பாடல் எண் :4843
மாயைஎனும் படுதிருட்டுச் சிறுக்கிஇது கேள்உன் 

மாயைஎலாம் சுமைசுமையா வரிந்து கட்டிக் கொண்டுன் 
சாயைஎனும் பெண்இனத்தார் தலைமேலும் உனது 

தலைமேலும் சுமந்துகொண்டோ ர் சந்துவழி பார்த்தே 
பேய்எனக்காட் டிடைஓடிப் பிழைத்திடுநீ இலையேல் 

பேசுமுன்னே மாய்த்திடுவேன் பின்னும்முன்னும் பாரேன் 
ஆய்எனைநீ அறியாயோ எல்லாஞ்செய் வல்லார் 

அருள்அமுதுண் டருள்நிலைமேல் அமர்ந்தபிள்ளை நானே