Vallalar.Net
Vallalar.Net

மாலும்

பாடல் எண் :477
மாலும் அயனும் உருத்திரனும் வானத் தவரும் மானிடரும்
மாவும் புள்ளும் ஊர்வனவும் மலையும் கடலும் மற்றவையும்
ஆலும் கதியும் சதகோடி அண்டப் பரப்புந் தானாக
அன்றோர் வடிவம் மேருவிற்கொண் டருளுந் தூய அற்புதமே
வேலும் மயிலும் கொண்டுருவாய் விளையாட் டியற்றும் வித்தகமே
வேதப் பொருளே மதிச்சடைகேல் விமலன் தனக்கோர் மெய்ப்பொருளே
சாலும் சுகுணத் திருமலையே தவத்தோர் புகழும் தற்பரனே
தணிகா சலமாம் தலத்தமர்ந்த சைவ மணியே சண்முகனே
பாடல் எண் :993
மாலும் துஞ்சுவான் மலரவன் இறப்பான்
மற்றை வானவர் முற்றிலும் அழிவார்
ஏலும் நற்றுணை யார்நமக் கென்றே
எண்ணி நிற்றியோ ஏழைநீ நெஞ்சே
கோலும் ஆயிரம் கோடிஅண் டங்கள்
குலைய நீக்கியும் ஆக்கியும் அளிக்கும்
நாலு மாமறைப் பரம்பொருள் நாமம்
நமச்சி வாயம்காண் நாம்பெறும் துணையே
பாடல் எண் :1267
மாலும் நான்குவ தனனும் மாமறை 
நாலும் நாடரு நம்பர னேஎவ 
ராலும் நீக்கஅ ரிதிவ்வ ருத்தம்நின் 
ஏலும் நல்லருள் இன்றெனில் சற்றுமே
பாடல் எண் :1614
மாலும் அறியான் அயன்அறியான் 

மறையும் அறியா வானவர்எக் 
காலும் அறியார் ஒற்றிநிற்குங் 

கள்வர் அவரைக் கண்டிலனே 
கோலும் மகளிர் அலர்ஒன்றோ 

கோடா கோடி என்பதல்லால் 
சேலுண் விழியாய் என்னடிநான் 

செய்வ தொன்றும் தெரிந்திலனே