Vallalar.Net
Vallalar.Net

முன்னை

பாடல் எண் :1029
முன்னை மாதவ முயற்சிஒன் றில்லா 

மூட னேன்தனை முன்வர வழைத்துப் 
பிள்னை ஒன்றும்வாய்ப் பேச்சிலீ ரானால் 

பித்தர் என்றுமைப் பேசிட லாமே 
என்னை நான்பழித் திடுகின்ற தல்லால் 

இகழ்கி லேன்உமை எழில்ஒற்றி உடையீர் 
புன்னை அஞ்சடை யீர்எனை உடையீர் 

பொய்யன் என்னில்யான் போம்வழி எதுவோ
பாடல் எண் :1306
முன்னை நான்செய்த வல்வினை இரண்டின் 
முடிவு தேர்ந்திலன் வடிவெடுத் துலகில் 
என்னை நான்கண்ட தந்தநாள் தொடங்கி 
இந்த நாள்மட்டும் இருள் என்ப தல்லால் 
பின்னை யாதொன்றும் பெற்றிலேன் இதனைப் 
பேச என்னுளம் கூசுகின் றதுகாண் 
உன்னை நம்பினேன் நின்குறிப் புணரேன் 
ஒற்றி ஓங்கிய உத்தமப் பொருளே
பாடல் எண் :1335
முன்னை நான்செய்த வல்வினைச் சிமிழ்ப்பான் 
மோக வாரியின் மூழ்கின னேனும் 
அன்னை போலும்என் ஆருயிர்த் துணையாம் 
அப்ப நின்அருள் அம்பியை நம்பி 
தன்னை நேர்சிவ ஞானமென் கரையைச் 
சார்கு வேம்எனும் தருக்குடன் உழன்றேன் 
இன்னும் நின்அருள் ஈந்திலை அந்தோ 
என்செய் கேன்நர கிடைஇடும் போதே