Vallalar.Net
Vallalar.Net

மைய

பாடல் எண் :1753
மைய லகற்றீ ரொற்றியுளீர் 

வாவென் றுரைப்பீ ரோவென்றேன் 
துய்ய வதன்மேற் றலைவைத்துச் 

சொன்னாற் சொல்வே மிரண்டென்றார் 
உய்ய வுரைத்தீ ரெனக்கென்றே 

னுலகி லெவர்க்கு மாமென்றார் 
ஐய விடையா யென்னடியவ் 

வையர் மொழிந்த வருண்மொழியே
பாடல் எண் :1841
மைய லகற்றீ ரொற்றியுளீர் 

வாவென் றுரைப்பீ ரோவென்றேன் 
செய்ய வதன்மேற் சிகரம்வைத்துச் 

செவ்வ னுரைத்தா லிருவாவென் 
றுய்ய வுரைப்பே மென்றார்நும் 

முரையென் னுரையென் றேனிங்கே 
யெய்யுன் னுரையை யென்கின்றா 

ரிதுதான் சேடி யென்னேடீ
பாடல் எண் :1937
மைய லழகீ ரூரொற்றி 

வைத்தீ ருளவோ மனையென்றேன் 
கையி னிறைந்த தனத்தினுந்தங் 

கண்ணி னிறைந்த கணவனையே 
மெய்யின் விழைவா ரொருமனையோ 

விளம்பின் மனையும் மிகப்பலவாம் 
எய்யி லிடையா யென்கின்றா 

ரிதுதான் சேடி யென்னேடி