Vallalar.Net
Vallalar.Net

மையல்

பாடல் எண் :339
மையல் நெஞ்சினேன் மதிஇயிலேன் கொடிய
வாட்க ணார்முலை மலைக்குப சரித்தேன்
பைய பாம்பினை நிகர்த்தவெங் கொடிய
பாவி யேன்எந்தப் பரிசுகொண் டடைவேன்
மெய்யர் உள்ளகம் விளங்கொளி விளக்கே
மேலை யோர்களும் விளம்பரும் பொருளே
செய்ய மேனிஎன் சிவபிரான் அளித்த
செல்வ மேதிருத் தணிகையந் தேவே
பாடல் எண் :431
மையல் நெஞ்சினேன் மதிசிறி தில்லேன்
மாத ரார்முலை மலைஇவர்ந் துருள்வேன்
ஐய நின்திரு அடித்துணை மறவா
அன்பர் தங்களை அடுத்துளம் மகிழேன்
உய்ய நின்திருத் தணிகையை அடையேன்
உடைய நாயகன் உதவிய பேறே
எய்ய இவ்வெறும் வாழ்க்கையில் உழல்வேன்
என்செய் வான்பிறந் தேன்எளி யேனே
பாடல் எண் :1313
மையல் வாழ்க்கையில் நாள்தொறும் அடியேன் 
வருந்தி நெஞ்சகம் மாழ்குவ தெல்லாம் 
ஐய ஐயவோ கண்டிடா தவர்போல் 
அடம்பி டிப்பதுன் அருளினுக் கழகோ 
செய்ய மேல்ஒன்றும் அறிந்திலன் சிவனே 
தில்லை மன்றிடைத் தென்முக நோக்கி 
உய்ய வைத்ததாள் நம்பிநிற் கின்றேன் 
உனைஅ லால்எனை உடையவர் எவரே