Vallalar.Net
Vallalar.Net

வயலா

பாடல் எண் :1755
வயலா ரொற்றி மேவுபிடி 

வாதர் நும்பே ரியாதென்றேன் 
இயலா யிட்ட நாமமதற் 

கிளைய நாம மேயென்றார் 
செயலார் கால மறிந்தென்னைச் 

சேர்வீ ரென்றேன் சிரித்துனக்கிங் 
கயலா ரென்றா ரென்னடியவ் 

வையர் மொழிந்த வருண்மொழியே
பாடல் எண் :1803
வயலா ரொற்றி வாணரிவர் 

வந்தார் நின்றார் வாய்திறவார் 
செயலார் விரல்கண் முடக்கியடி 

சேர்த்தீ ரிதழ்கள் விரிவித்தார் 
மயலா ருளத்தோ டென்னென்றேன் 

மறித்தோர் விரலா லென்னுடைய 
வியலார் வடிவிற் சுட்டுகின்றா 

ரிதுதான் சேடி யென்னேடீ
பாடல் எண் :1844
வயலா ரொற்றி மேவுபிடி 

வாதர் நாம மியாதென்றேன் 
மயலா யிடுமிப் பெயர்ப்பின்னர் 

வந்த விளைய நாமமென்றார் 
செயலார் கால மறிந்தென்னைச் 

சேர்வீ ரென்றேன் சிரித்துனக்கிங் 
கியலா ரயலா ரென்கின்றா 

ரிதுதான் சேடி யென்னேடீ