Vallalar.Net
Vallalar.Net

வெடித்தளிந்த

பாடல் எண் :5630
வெடித்தளிந்த முக்கனியின் வடித்தரசந் தனிலே 

விரும்புறநின் றோங்கியசெங் கரும்பிரதம் கலந்து 
தடித்தசெழும் பாற்பெய்து கோற்றேன்விட் டதனைத் 

தனித்தபரா அமுதத்தில் தான்கலந்துண் டாற்போல் 
இடித்திடித்தென் உளமுழுதும் தித்திக்கும் வார்த்தை 

இனிதுரைத்து மணம்புரிந்த என்னுயிர்நா யகர்வான் 
பொடித்திருமே னியர்நடனம் புரிகின்றார் அவர்தம் 

புகழ்உரைக்க வல்லேனோ அல்லேன்காண் தோழி
பாடல் எண் :5752
வெடித்தளிந்த முக்கனியின் வடித்தரசந் தனிலே 

விரும்புறஉட் பிழிந்தெடுத்த கரும்பிரதம் கலந்தே 
தடித்தசெழும் பாற்பெய்து கோற்றேன்விட் டதனைத் 

தனித்தபர அமுதத்தில் தான்கலந்துண் டாற்போல் 
இடித்திடித்தென் உளமுழுதும் தித்திக்கும் வார்த்தை 

இனிதுரைத்து மணம்புரிந்த என்னுயிர்நா யகர்வான் 
பொடித்திருமே னியர்அவரைப் புணரவல்லேன் அவர்தம் 

புகழ்உரைக்க வல்லேனோ அல்லேன்காண் தோழீ