வேதமும்

வேதமும் கலைகள் யாவும் விளம்பிய புலவ போற்றி
நாதமும் கடந்து நின்ற நாதநின் கருணை போற்றி
போதமும் பொருளும் ஆகும் புனிதநின் பாதம் போற்றி
ஆதரம் ஆகி என்னுள் அமர்ந்தஎன் அரசே போற்றி

வேதமும் பொருளும் பயனும்ஓர் அடைவும் 

விளம்பிய அனுபவ விளைவும் 
போதமும் சுகமும் ஆகிஇங் கிவைகள் 

போனது மாய்ஒளிர் புலமே 
ஏதமுற் றிருந்த ஏழையேன் பொருட்டிவ் 

விருநிலத் தியல்அருள் ஒளியால் 
பூதநல் வடிவம் காட்டிஎன் உளத்தே 

பொதுநடம் புரிகின்ற பொருளே

வேதமும் வேதத்தின் அந்தமும் போற்ற விளங்கியநின் 
பாதமும் மாமுடி யும்கண்டு கொள்ளும் படிஎனக்கே 
போதமும் போதத் தருள்அமு தும்தந்த புண்ணியனே 
நாதமும் நாத முடியும் கடந்த நடத்தவனே