I kum maeni, piny ario kende re ma copo nwangu can man anyonga. Eni ubedo tipo man Mungu. Paru mwa, wangwa, leb mwa, ith mwa, um mwa, adila mwa, man mukende mapol, gitiye jam tic pa dhanu. Etimo ngo lembe maber nyo marac. Jam cing eca ubedo jam tic pa tipo pi nwangu ber ku marac. Jam tic macalo wang, um, it, wic, man mange gipe ku ngec. Ebedo calu piny makwo ngo. Piny ma kwo ngo copo winjo maber man marac. Wacikara ngo ni wacu nia lum bedo kud anyonga, kum lum ubedo piny ma kwo ngo; epe ku ngec mi nwangu piny maber ku marac. Dong omyero kud wawac nia paru para utiye maber. Pien wic ubedo jam tic iwa. Jam tic epe ku piny moko ci.
Ot ma dhanu ogero, ma juyike ku lum, cement, man mange. Ot epe ku piny moko cii kum etiye piny makwo ngo. Ngati ma bedo i ot nwango lembe maber man marac. Pieno Mungu utimo ot moko ma nok ma wabed i ie, ma julwong’o kum dhanu. Kum dhanu copo nwangu piny moko ope. Tipo, ma ni i kum, ecopu nwangu mutoro man can. Dong umitu wangeyo niya tipo kende re ma utiye ku ngec ma juromo nwangu. Jam tic utiye i kum dhanu, calu cing, pi konyo dhanu. Dong jam tic copo nwangu ngo piny moko ci. Ka wabe ywak, wangwa pii, ento ngo kopo mwa.