ಈ ಭೌತಿಕ ಶರೀರೊಡು, ದುಃಖ ಬೊಕ್ಕ ಸುಖೊನು ರಡ್ಡ್ ವಸ್ತುಲು ಮಾತ್ರ ಅನುಭವಿಸವೊಲಿ. ಅವು ಆತ್ಮ ಬೊಕ್ಕ ದೇವೆರ್. ನಮ್ಮ ಮನಸ್, ಕಣ್ಣ್, ನಾಲಯಿ, ಕಿನ್ನಿ, ಮೂಂಕು, ಚರ್ಮ ಇಂಚಿತ್ತಿನವು ನರಮಾನ್ಯಗ್ ಸಾಧಕೊಲು. ಉಂದು ಎಡ್ಡೆ ಅತ್ತ್ಂಡ ಕೆಟ್ಟೆನ್ ಅನುಭವಿಸವುಜಿ. ಆ ಅಂಗೊಲು ಎಡ್ಡೆ ಬೊಕ್ಕ ಕೆಟ್ಟೆನ್ ಅನುಭವಿಸರೆ ಆತ್ಮದ ಸಾಧನೊಲು. ಕಣ್ಣ್ ಮೂಂಕು ಕಿನ್ನಿ ಮನಸ್ ಇಂಚಿತ್ತಿನ ಸಾಧಕೊಲೆಗ್ ಜ್ಞಾನ ಇಜ್ಜಿ. ಉಂದು ಅಜೀವಿಲೆನಲೆಕ ಉಂಡು. ಅಜೀವಿಲು ಎಡ್ಡೆ ಬೊಕ್ಕ ಕೆಟ್ಟೆನ್ ಅನುಭವಿಸರೆ ಸಾಧ್ಯ ಇಜ್ಜಿ. ಮರಳು ಸುಖ ಆಪುಂಡು ಪಂದ್ ನಮ ಪನರೆ ಬಲ್ಲಿ, ದಾಯೆ ಪಂಡ ಮರಳು ಒಂಜಿ ಅಜೀವಿ; ಎಡ್ಡೆ ಬೊಕ್ಕ ಕೆಟ್ಟೆನ್ ಅನುಭವಿಸರೆ ಜ್ಞಾನ ಇಜ್ಜಿ. ಅಂಚಾದ್ ಎನ್ನ ಮನಸ್ ಸಂತೋಷೊಡು ಉಂಡು ಪಂದ್ ನಮ ಪನ್ರೆ ಬಲ್ಲಿ. ದಾಯೆ ಪಂಡ ಮನಸ್ ನಮಕ್ ಒಂಜಿ ಸಾಧನ. ಟೂಲ್ ದಾಲ ಅನುಭವಿಸವುಜಿ.
ನರಮಾನಿಲೆನ ನಿರ್ಮಾಣದ ಇಲ್ಲ್, ಉಂದು ಮರಳು, ಸಿಮೆಂಟ್ ಇಂಚಿನವುಲೆಡ್ದ್ ಮಲ್ಪುನವು. ಇಲ್ಲ್ ದಾಲ ಅನುಭವಿಸವುಜಿ ದಾಯೆ ಪಂಡ ಅವು ಒಂಜಿ ಅಜೀವಿ. ಇಲ್ಲಡ್ ಉಪ್ಪುನ ವ್ಯಕ್ತಿ ಎಡ್ಡೆ ಬೊಕ್ಕ ಕೆಟ್ಟೆನ್ ಅನುಭವಿಸವೆರ್. ಅಂಚಾದ್ ದೇವೆರ್ ನಂಕ್ ವಾಸ ಮಲ್ಪೆರೆ ಒಂಜಿ ಎಲ್ಯ ಇಲ್ಲ್ ಮಲ್ತ್ದೆರ್, ಅವೆನ್ ನರಮಾನ್ಯನ ಶರೀರ ಪನ್ಪೆರ್. ನರಮಾನ್ಯನ ಶರೀರೊಗು ದಾಲ ಅನುಭವ ಆಪುಜಿ. ಶರೀರೊದ ಉಲಯಿ ಉಪ್ಪುನ ಆತ್ಮ ಸುಖೊನು ಬೊಕ್ಕ ದುಃಖೊನು ಅನುಭವಿಸವೊಲಿ. ಅಂಚಾದ್ ಅನುಭವಿಸವೊಲಿ ಪನ್ಪಿನ ಜ್ಞಾನ ಆತ್ಮೊಗು ಮಾತ್ರ ಉಂಡು ಪನ್ಪಿನೆನ್ ನಮ ತೆರಿಯೊನೊಡಾಪುಂಡು. ನರಮಾನಿಲೆಗ್ ಸಹಾಯ ಮಲ್ಪೆರೆ ನರಮಾನಿಯನ ಶರೀರೊಡು ಕೈಕಾಲುಲೆನಂಚಿನ ಸಾಧನೊಲು ಲಭ್ಯ ಉಂಡು. ಅಂಚಾದ್ ಸಾಧನೊಲು ದಾಲ ಅನುಭವಿಸರೆ ಸಾಧ್ಯ ಇಜ್ಜಿ. ನಮ ಕಣ್ಣೀರ್ ಪಾಡುನಗ ನಮ್ಮ ಕಣ್ಣ್ ಗ್ ನೀರ್ ಬರ್ಪುಂಡು, ಗ್ಲಾಸ್ ಗ್ ಅತ್ತ್.