Vallalar Songs

என்னே குறைநமக் கேழைநெஞ் சேமயில் ஏறிவரும்
மன்னே எனநெடு மாலும் பிரமனும் வாழ்த்திநிற்கும்
தன்னேர் தணிகைத் தடமலை வாழும்நற் றந்தைஅருள்
பொன்னேர் திருவடிப் போதுகண் டாய்நம் பூகலிடமே

என்னே ருளத்தி னமர்ந்தீர்நல் 

லெழிலா ரொற்றி யிடையிருந்தீ 
ரென்னே யடிகள் பலியேற்ற 

லேழ்மை யுடையீர் போலுமென்றே 
னின்னே கடலி னிடைநீபத் 

தேழ்மை யுடையாய் போலுமென 
வின்னே யங்கொண் டுரைக்கின்றா 

ரிதுதான் சேடி யென்னேடீ

என்னே முறையுண் டெனில்கேள்வி உண்டென்பர் என்னளவில்
இன்னே சிறிதும் இலையேநின் பால்இதற் கென்செய்குவேன்
மன்னேமுக் கண்ணுடை மாமணி யேஇடை வைப்பரிதாம்
பொன்னேமின் னேர்சடைத் தன்னே ரிலாப்பரி பூரணனே

என்னே இனும்நின் அருள்எய் திலன்ஏழை யேனை
முன்னே வலிந்தாட் கொண்டதின் றுமுனிந்த தேயோ
பொன்னேர் அணிஅம் பலத்தா டியபுண்ணி யாஎன்
அன்னே அரசே அமுதே அருள்ஆண்ட வனே

என்னே செய்வேன் செய்வகை ஒன்றிங் 

கிதுஎன் றருள்வாய் இதுவே தருணம் 
மன்னே அயனும் திருமா லவனும் 

மதித்தற் கரிய பெரிய பொருளே 
அன்னே அப்பா ஐயா அரசே 

அன்பே அறிவே அமுதே அழியாப் 
பொன்னே மணியே பொருளே அருளே 

பொதுவாழ் புனிதா அபயம் அபயம்

என்னே அதிசயம்ஈ திவ்வுலகீர் என்னுரையைப் 
பொன்னே எனமேற் புனைந்துகொண்டான் - தன்னேரில் 
நல்ஆ ரணங்கள்எலாம் நாணியவே எல்லாஞ்செய் 
வல்லான் திருக்கருணை வாய்ப்பு

என்னே உலகில் இறந்தார் எழுதல்மிக 
அன்னே அதிசயமென் றாடுகின்றார் - இன்னே 
திருவம் பலத்தான் திருநோக்கம் பெற்றார்க் 
குருவம் பலத்தேஎன் றுன்