Vallalar Songs

கண்டேன் களித்தேன் கருணைத் திருஅமுதம் 
உண்டேன் உயர்நிலைமேல் ஓங்குகின்றேன் - கொண்டேன் 
அழியாத் திருஉருவம் அச்சோஎஞ் ஞான்றும் 
அழியாச்சிற் றம்பலத்தே யான்

கண்டேன் களித்தேன் கருணைத் திருஅமுதம் 
உண்டேன் அழியா உரம்() பெற்றேன் - பண்டே 
எனைஉவந்து கொண்டான் எழில்ஞான மன்றம் 
தனைஉவந்து கொண்டான் தனை   

 () வரம் - படிவேறுபாடு ஆ பா

கண்டேன் அருட்பெருஞ் சோதியைக் கண்களில் கண்டுகளி 
கொண்டேன் சிவானந்தக் கூத்தாடிக் கொண்டிக் குவலயத்தே 
தொண்டே திருஅம் பலந்தனக் காக்கிச் சுகஅமுதம் 
உண்டேன் உயிர்தழைத் தோங்குகின் றேன்உள் உவப்புறவே

கண்டேன் சிற்றம்பலத் தானந்த நாடகம் கண்டுகளி 
கொண்டேன் எல்லாம்வல்ல சித்தனைக் கூடிக் குலவிஅமு 
துண்டேன் மெய்ஞ்ஞான உருஅடைந் தேன்பொய் உலகொழுக்கம் 
விண்டேன் சமரச சன்மார்க்கம் பெற்ற வியப்பிதுவே