Vallalar Songs

கருணைக் கொருநேர் இல்லாதார் 

கல்லைக் கரைக்கும் கழலடியார் 
அருணைப் பதியார் ஆமாத்தூர் 

அமர்ந்தார் திருவா வடுதுறையார் 
இருணச் சியமா மணிகண்டர் 

எழிலார் ஒற்றி இறைவர்இந்தத் 
தருணத் தின்னும் சேர்ந்திலர்என் 
சகியே இனிநான் சகியேனே

கருணைக் கடலே யென்னிரண்டு 

கண்ணே முக்கட் கரும்பேசெவ் 
வருணப் பொருப்பே வளரொற்றி 

வள்ளன் மணியே மகிழ்ந்தணையத் 
தருணப் பருவ மிஃதென்றேன் 

றவிரன் றெனக்காட் டியதுன்ற 
னிருணச் சளக மென்கின்றா 

ரிதுதான் சேடி யென்னேடீ

கருணைக் கடலே திருஆரூர்க் கடவுட் சுடரே நின்னுடைய
அருணக் கமல மலரடிக்கே அடிமை விழைந்தேன் அருளாயேல்
வருணக் கொலைமா பாதகனாம் மறையோன் தனக்கு மகிழ்ந்தன்று
தருணக் கருணை அளித்தபுகழ் என்னாம் இந்நாள் சாற்றுகவே

கருணைக் கடலை அக்கடலிற் கலந்த அமுதை அவ்வமுதத்
தருணச் சுவையை அச்சுவையிற் சார்ந்த பயனைத் தனிச்சுகத்தை
வருணப் பவளப் பெருமலையை மலையிற் பச்சை மருந்தொருபால்
பொருணச் சுறவே பழமலையிற் பொருந்தி யோங்கக் கண்டேனே

கருணைக் கருத்து மலர்ந்தெனது 

கலக்க மனைத்துந் தவிர்த்தேஇத் 
தருணத் தருளா விடில்அடியேன் 

தரியேன் தளர்வேன் தளர்வதுதான் 
அருணச் சுடரே நின்னருளுக் 

கழகோ அழகென் றிருப்பாயேல் 
தெருணற் பதஞ்சார் அன்பரெலாம் 

சிரிப்பார் நானும் திகைப்பேனே    
  அடியரெலாம் - முதற்பதிப்பு, பொ சு, ச மு க, பி இரா

கருணைக் கடலே அதில்எழுந்த 

கருணை அமுதே கனியமுதில் 
தருணச் சுவையே சுவைஅனைத்தும் 

சார்ந்த பதமே தற்பதமே 
பொருண்மெய்ப் பரமே சிதம்பரமாம் 

பொதுவில் நடிக்கும் பரம்பரமே 
தெருண்மெய்க் கருத்தில் கலந்தெனையும் 

சித்தி நிலைகள் தெரித்தருளே