Vallalar Songs

யாது கண்டனை அதனிடத் தெல்லாம் 

அணைகின் றாய்அவ மாகநிற் கீந்த 
போது போக்கினை யேஇனி மனனே 

போதி போதிநீ போம்வழி எல்லாம் 
கோது நீக்கிநல் அருள்தரும் பெருமான் 

குலவும் ஒற்றியூர்க் கோயிலுக் கின்றே 
ஏதம் ஓடநான் செல்கின்றேன் உனக்கும் 

இயம்பி னேன்பழி இல்லைஎன் மீதே

யாது நின்கருத் தறிந்திலேன் மனமோ 

என்வ சப்படா திருத்தலை உரைத்தேன் 
தீது செய்யினும் பொறுத்தெனைச் சிவனே 

தீய வல்வினைச் சேர்ந்திடா வண்ணம் 
பாது காப்பதுன் பரம்இன்றேல் பலவாய்ப் 

பகர்தல் என்னகாண் பழிவரும் உனக்கே 
ஆது காண்டிஎம் ஒற்றியூர் அரசே 

அம்ப லத்தினின் றாடல்செய் அமுதே   
டீயஉம



--------------------------------------------------------------------------------


வழிமொழி விண்ணப்பம் 
திருவொற்றியூரும் திருத்தில்லையும்

யாது நான்பிழை செய்யினும் பொறுப்பான் 

எந்தை எம்மிறை என்றுவந் தடைந்தேன் 
தீது நோக்கிநீ செயிர்த்திடில் அடியேன் 

செய்வ தென்னைநின் சித்தமிங் கறியேன் 
போது போகின்ற தன்றிஎன் மாயப் 

புணர்ச்சி யாதொன்றும் போகின்ற திலைகாண் 
சீத வார்பொழில் ஒற்றியம் பரனே 

திருச்சிற் றம்பலம் திகழ்ஒளி விளக்கே

யாது சொல்லினும் கேட்பதின் றந்தோ 

யான்செய் தேன்என தென்னும்இவ் இருளில் 
காது கின்றதென் வஞ்சக நெஞ்சம் 

கடைய னேன்செயக் கடவதொன் றறியேன் 
ஓது மாமறை உபநிட தத்தின் 

உச்சி மேவிய வச்சிர மணியே 
தீது நீக்கிய ஒற்றியந் தேனே 

செல்வ மேபர சிவபரம் பொருளே

யாது செய்குவன் போதுபோ கின்ற 

தண்ண லேஉம தன்பருக் கடியேன் 
கோது செய்யினும் பொறுத்தருள் புரியும் 

கொள்கை யீர்எனைக் குறுகிய குறும்பர் 
வாது செய்கின்றார் மனந்தளர் கின்றேன் 

வலியி லேன்செயும் வகைஒன்றும் அறியேன் 
மாதர் செய்பொழில் ஒற்றியூர் உடையீர் 

வண்கை யீர்என்கண் மணிஅனை யீரே

யாது கருதி என்னை ஆண்ட தைய ஐய வோ 
யானுன் அடிப்பொற் றுணைகட் குவந்து தொழும்பு செய்ய வோ 
ஓது கடவுட் கூட்டம் அனைத்தும் அடிமை அல்ல வோ 
உடையாய் அவர்க்குள் எனையும் ஒருவன் என்று சொல்ல வோ எனக்கும் உனக்கும்