Vallalar Songs

வேத மாமுடி விளங்கும் நின்திருப்
பாதம் ஏத்திடாப் பாவி யேன்தனக்
கீதல் இன்றுபோ என்னில் என்செய்கேன்
சாதல் போக்கும்நல் தணிகை நேயனே

வேத னேனும்வி லக்குதற் பாலனோ 
தீத னேன்துயர் தீர்க்கும்வ யித்திய 
நாத னேஉன்றன் நல்லருள் இல்லையேல் 
நோதல் நேரும்வன் நோயில்சி றிதுமே

வேத முடிவோ விளங்கா கமமுடிவோ
நாத முடிவோ நவில்கண்டாய் - வாதமுறு
மாசகர்க்குள் நில்லா மணிச்சுடரே மாணிக்க
வாசகர்க்கு நீஉரைத்த வாறு

வேத சிகாமணியே போத சுகோதயமே 
மேதகு மாபொருளே ஓதரும் ஓர்நிலையே 
நாத பராபரமே சூத பராவமுதே 
ஞான சபாபதியே ஞான சபாபதியே