ပိၵ်ႉသမ်ႉဝႃႈ ၶဝ်မီးတၢင်းႁူႉ တႃႇတေလႆႈ လွင်ႈမူၼ်ႈသိူဝ်း ၼႂ်းလူၵ်ႈ ဢၼ်လူဝ်ႇ လႄႈ လွင်ႈလွတ်ႈလႅဝ်း တႃႇတေ ၵမ်ႉထႅမ် လွင်ႈဢိုပ်းယၢၵ်ႈၶဝ်သေတႃႉ ၵူၼ်းၵမ်ႈၽွင်ႈ ယွၼ်ႉပိူဝ်ႈ လွင်ႈႁဵတ်းသၢင်ႈ ဢပျတ်ႈ လႄႈ လွင်ႈဢမ်ႇၾၢင်ႉမႅၼ်ႈ ဢၼ်ၶဝ် ႁဵတ်းမႃး မိူဝ်ႈပူၼ်ႉမႃးၼၼ်ႉလႄႈ ၶဝ်လႆႈ ၶၢမ်ႇတၢင်းဢိုပ်းယၢၵ်ႈ ၼႆယဝ်ႉ။
လူၺ်ႈလွင်ႈပၼ်တၢင်းၵိၼ် ၵူၼ်းၸိူဝ်းဢိုပ်းယၢၵ်ႈ တႃႇလူတ်းယွမ်းပၼ် လွင်ႈဢိုပ်းယၢၵ်ႈၶဝ်ၼၼ်ႉသေ ၵူၼ်းၵေႃႉၼိုင်ႈ တေၸၢင်ႈလႆႈ ၸၼ်ႉထၢၼ်ႈ ဢၼ်မီးတၢင်းသိူဝ်းၸႂ် ယွၼ်ႉပိူဝ်ႈ လွင်ႈမေႃဢီးလူ တူဝ်မီးၸႂ် ၵေႃႉလဵဝ်ၵူၺ်း။
လွင်ႈမေႃဢီးလူၼႆႉ ပဵၼ်ၵၢၵ်ႇသေႃး ဢၼ်ပိုတ်ႇပၼ် ၽၵ်းတူ တီႈယူႇၽြႃးပဵၼ်ၸဝ်ႈ ဢၼ်ဢမ်ႇမီးတီႈသုတ်းၼၼ်ႉသေ ပၼ်သုၼ်ႇ ႁႂ်ႈၵူၼ်းၵေႃႉၼိုင်ႈ ၶဝ်ႈၵႂႃႇ ယူႇသဝ်းလႆႈ လွတ်ႈလႅဝ်းတႃႇသေႇ။
ၵူၼ်းၼႂ်းၼႃႈႁိူၼ်းၼၼ်ႉ ၸၢင်ႈယူႇလႆႈတႃႇသေႇသေ လႆႈၸၼ်ႉလွတ်ႈလႅဝ်း လူၺ်ႈလွင်ႈလႆႈၵၢၵ်ႇသေႃးႁိူၼ်းၽြႃးပဵၼ်ၸဝ်ႈ လူၺ်ႈလွင်ႈမေႃဢီးလူ။
ၵူၼ်းၼႂ်းၼႃႈႁိူၼ်း ဢၼ်လႆႈၵၢၵ်ႇသေႃးၽြႃးပဵၼ်ၸဝ်ႈ ၸွမ်းၶၢဝ်းယၢမ်းၼၼ်ႉ ဢမ်ႇလူဝ်ႇႁဵတ်း ၵၢၼ်ၼပ်ႉယမ် ၵၢၼ်ပူႇၸေႃႇ ၵၢၼ်ယွမ်ႉသီ ၵၢၼ်တၢင်းႁူႉသင်။ မၼ်းၸၢင်ႈယူႇၵႃႈၼႂ်းဢွင်ႈတီႈၽြႃးပဵၼ်ၸဝ်ႈယူႇတႃႇသေႇဢမ်ႇထၢတ်ႇဢေႃႈ။