انسان واب ءِ وھد ءَ جتا جتائیں بدن زوریت ءُ اے انسانی بدنانی تہا زندگ بوھگ ءِ وھد ءَ جتا جتائیں چیزانی تجربہ کنت۔ پمیشکا اے گپ ءِ گشگ ءِ ھژدری نہ اِنت کہ، وھدے کہ اے بدن ھلاس بیت، گڑا روح دگہ بدنے زوریت ءُ تجربہ کنت۔
اے انسانی بدن ءِ تہا یک مردمے ، خاصیں توان(سدھی) ءِ سوب ءَ اے بدن ءَ یلہ دنت ءُ دگہ بدنے ءَ داخل بیت۔ پمیشکا اے گپ ءِ گشگ ءِ ھژدری نہ اِنت کہ وھدے اے بدن ھلاس بیت گڑا اے بدن ءِ تہ ءَ ھواریں روح دگہ بدنے ءَ شُت کنت۔
اگاں یک پرندگے وھد ءِ فرق ءُ صفاتانی فرق ءِ سوب ءَ اولی رند ءَ چہ یک بدنے ءَ کہ آئی ءَ انڈے گش انت ءُ پدا دگہ بدنے ءَ کہ آئی ءَ چوک گش انت ، کیت گڑا اے گپ ءِ گشگ ءِ ھژدری نہ انت کہ کرم ءِ فرق ءِ سوب ءَ روح چہ اے بدن ءَ دگہ بدنے ءَ کاینت ۔
ھمے رنگ ءَ اگاں یک شپچراگے چہ جراثیم نامیں بدنے ءَ شپچراگ نامیں بدنے ءَ کیت گڑا اے گپ ءِ گشگ المی نہ اِنت کہ کرم ءِ سوب ءَ یک روحے چہ یک بدنے ءَ دومی بدن ءَ کیت۔
اے گپ ءِ گشگ المی نہ اِنت کہ اگاں یک روحے، ہمے پیدائش ءِ وھد ءَ، چہ چُک ءِ بدن ءَ بچک ءِ بدن ءَ، بچک ءِ بدن ءَ چہ ورناہ ءِ بدن ءَ ءُ ورناہ ءِ بدن ءَ بالغیں مرد ءِ بدن ءَ بیا اِیت گڑا آ روح پیدائش ءِ بدلی ءِ سوب ءَ دگہ بدنے ءَ کیت۔
یک پیدائشے ءَ ھم روح منتر ءُ تنتر ءِ اثراں چہ مرد ءِ بدن ءَ چہ جنین ءِ بدن ءَ ءُ جنین ءِ بدن ءَ چہ دیم ءَ شُت کن اَنت۔ چوش کہ روح وتی گوستگیں کارانی اثرانی سوب ءَ دگہ بدنے زوریت۔