ၼႂ်းၶၢဝ်းယၢမ်းဢၼ်မၵ်းမၼ်ႈဝႆႉ ၼႂ်းလွင်ႈၵိူတ်ႇလုၵ်ႈလဵဝ်ၼၼ်ႉ ၵူၼ်းသွင်ၵေႃႉ မီးလုၵ်ႈၽႃၽႄ။
တႃႇတေထတ်းသၢင်တူၺ်း လွင်ႈပႅၵ်ႇပိူင်ႈ ၼႂ်းၵႄႈ လုၵ်ႈၽႃၽႄၸိူဝ်းၼႆႉ လႆႈႁၼ်ဝႃႈ လွင်ႈပႅၵ်ႇပိူင်ႈၼႆႉ ပဵၼ်ယွၼ်ႉ လွင်ႈႁဵတ်းသၢင်ႈ လႄႈ လွင်ႈၶတ်းၸႂ် တူဝ်ၶိင်း ဢၼ်ၶဝ် လႆႈဢဝ်မႃး မိူဝ်ႈၵိူတ်ႇလုၵ်ႈ မိူဝ်ႈဢွၼ်တၢင်းၼၼ်ႉ ၼႆယဝ်ႉ။
မိူဝ်ႈလုၵ်ႈၽႃၽႄၸိူဝ်းၼႆႉ လႆႈဢႃႇယု သၢမ်ၶူပ်ႇၼၼ်ႉ ၽွင်းတိုၵ်ႉလဵၼ်ႈၵိၼ် တၢင်းၵိၼ်ဢၼ်ပေႃႈမႄႈၶဝ် ပၼ်ဝႆႉႁင်းၶေႃၼၼ်ႉ သင်ဝႃႈ လုၵ်ႈဢွၼ်ႇ လိူဝ်သေ လုၵ်ႈဢွၼ်ႇသွင်ၵေႃႉၼႆႉ မႃးၼႆၸိုင် လုၵ်ႈဢွၼ်ႇသွင်ၵေႃႉၼၼ်ႉ ၵေႃႉ႞ တေပၼ်တၢင်းၵိၼ် ဢၼ်မၼ်းမီးဝႆႉ ၼႂ်းမိုဝ်းမၼ်းၼၼ်ႉ ပၼ်ၶဝ်။ လုၵ်ႈဢွၼ်ႇထႅင်ႈၵေႃႉၼိုင်ႈ ႁႄႉႁၢမ်ႈဝႆႉ ဢမ်ႇႁႂ်ႈပၼ်။
လုၵ်ႈဢွၼ်ႇၵေႃႉ႞ ဢဝ်ပပ်ႉသေ လူဢၢၼ်ႇ မိူၼ်ၼင်ႇ လုၵ်ႈဢွၼ်ႇဢၢၼ်ႇလိၵ်ႈ၊
လုၵ်ႈဢွၼ်ႇထႅင်ႈၵေႃႉၼိုင်ႈ ၸူၼ်ဢဝ်ပပ်ႉၼၼ်ႉသေ ပေႃႉထုပ်ႉဝႃႈ ယႃႇပေလူ။
လုၵ်ႈဢွၼ်ႇၵေႃႉၼိုင်ႈ ၵူဝ်၊ လုၵ်ႈဢွၼ်ႇထႅင်ႈၵေႃႉၼိုင်ႈတႄႉ ဢမ်ႇၵူဝ်၊
ၼႂ်းလၢႆးၼႆႉ ပေႃးႁဝ်းၶႃႈ တႄႇထတ်းသၢင်တူၺ်းဝႃႈ လုၵ်ႈဢွၼ်ႇၸိူဝ်းၼႆႉ ႁဵတ်းႁိုဝ်မႃး မီးၸႂ်လီ တၢင်းႁၵ်ႉ တၢင်းႁူႉ ၸဵမ်ၸိူဝ်းၼႆႉ ဢၼ်ဢမ်ႇလႆႈသွၼ်ပၼ် ပေႃႈမႄႈၶဝ်ၼၼ်ႉ။
တေလႆႈႁူႉၸွမ်း ၶေႃႈထတ်းသၢင် ဢၼ်ဢွၵ်ႇမႃးတီႈ တူဝ်ထူပ်းၼၼ်ႉဝႃႈ လွင်ႈဢၼ် ႁၼ်ထိုင် ၽိင်ႈယၢမ်ႈ ဢၼ်ပဵၼ်မႃး ၼႂ်းတူဝ်ၶိင်း မိူဝ်ႈၵိူတ်ႇမႃး မိူဝ်ႈဢွၼ်တၢင်းၼၼ်ႉ ဢမ်ႇလႆႈ ပေႃႈမႄႈ သွၼ်ပၼ်သေ မႃးထိုင် တူဝ်ၶိင်း ယၢမ်းလဵဝ်။
ပေႃးပွင်ႇၸႂ်လွင်ႈၼႆႉ တေႁူႉလီလီဝႃႈ တူဝ်မီးၸႂ်ၼႆႉ မီးတူဝ်ၶိင်း ဢွၼ်တၢင်းလႄႈ ဝၢႆးလင်။ ၸဝ်ႈၵဝ်ႇထုၵ်ႇလီပွင်ႇၸႂ်ဝႃႈ ၸိူဝ်းဢမ်ႇပွင်ႇၸႂ်လွင်ႈၼႆႉ လၢတ်ႈဝႃႈ ဢမ်ႇမီးလွင်ႈၵိူတ်ႇၶိုၼ်း၊