ၸိူဝ်ႉၽၼ်း ဢၼ်ဢွၵ်ႇမႃးတီႈ တူၼ်ႈမႆႉတူၼ်ႈတွၵ်ႇၼၼ်ႉ လႆႈဝႃႈ ပဵၼ်ၶူဝ်းၶွင် ဢၼ်ဢမ်ႇမီးႁႅင်း ဢၼ်ႁဵတ်းႁႂ်ႈ တူဝ်မီးၸႂ် ၶဝ်ႈမႃးၼႂ်းမၼ်း ဝၢႆးလင်ၼၼ်ႉယဝ်ႉ။ ၸိူင်ႉႁိုဝ်
ပေႃးဝႃႈ ၸိူဝ်ႉၽၼ်းမီးဢသၢၵ်ႈၼႆ မၼ်းတေလႆႈဢွၵ်ႇမႃး ၵွၼ်ႇပႆႇၽုၵ်ႇသွမ်ႈၼႂ်းလိၼ်၊ ၽုၵ်ႇသွမ်ႈဝႆႉၼႂ်းလိၼ်ယဝ်ႉၵေႃႈ ၸိူဝ်ႉၽၼ်းမၢင်ၸိူဝ်း ဢမ်ႇဢွၵ်ႇမႃး။ ၸိူဝ်ႉၽၼ်း ပဵၼ်လွင်ႈတၢင်း။ လွင်ႈတၢင်းဢၼ်ၼႆႉ လုၵ်ႈဢွၼ်ႇလဵၵ်ႉၶဝ်ၵေႃႈ ႁူႉဝႃႈ ပဵၼ်တႃႇ ႁၢင်ႈၽၢင်တူဝ်ၶိင်းၵူၺ်း။
ၸၢတ်ႈပၢၼ်ၼႆႉ ပဵၼ်ထႃႇဝရ ဢမ်ႇတၢႆ၊ တူဝ်ၶိင်းၼႆႉ မၼ်းၸၢင်ႈလူႉလႅဝ်။ ၸၢတ်ႈပၢၼ်ထႃႇဝရႃႉၼႆႉ ဢမ်ႇလူဝ်ႇလွင်ႈတၢင်း၊ တူဝ်ၶိင်းဢၼ်တၢႆၼၼ်ႉၵူၺ်း လူဝ်ႇလွင်ႈတၢင်း။ ၵွပ်ႈၼၼ် တေလႆႈပွင်ႇၸႂ်ဝႃႈ ၸိူဝ်ႉၽၼ်းၼႆႉ ပဵၼ်ၶူဝ်းၶွင်ဢၼ်ဢမ်ႇမီးဢဵၼ်ႁႅင်း (ဢမ်ႇမီးၸႂ်) ၵူၺ်း။