ၵွပ်ႈၼၼ် ပၵ်းပိူင် လွင်ႈမေႃဢီးလူၼႆႉ လႆႈႁူႉဝႃႈ ပဵၼ်သဵၼ်ႈတၢင်းဢၼ်ၸႅတ်ႈၸၢင်ႇ(sanmargam) ၼႆယဝ်ႉ။
မိူဝ်ႈဢၼ် ၸႂ်ၵရုၼႃႇ ၼႄမႃးၼၼ်ႉ တၢင်းႁူႉ လႄႈ တၢင်းႁၵ်ႉ ၼႄမႃး၊ ၵွပ်ႈၼၼ် လွင်ႈလီၸႂ်ၼၼ်ႉ ၼႄၼမ်ႉၼႄတူဝ်၊ ယွၼ်ႉပိူဝ်ႈ လွင်ႈလီၸႂ်ၼၼ်ႉလႄႈ လွင်ႈလီတင်းသဵင်ႈ ၸင်ႇဢွၵ်ႇမႃး။
ပေႃးၸႂ်ၵရုၼႃႇႁၢႆၵႂႃႇ တၢင်းႁူႉ တၢင်းႁၵ်ႉၵေႃႈ ႁၢႆၵႂႃႇ၊ ၵွပ်ႈၼၼ် လွင်ႈလီၸႂ်ၼၼ်ႉ ႁၢႆၵႂႃႇ၊ ယွၼ်ႉပိူဝ်ႈ လွင်ႈလီၸႂ် ႁၢႆၵႂႃႇလႄႈ လွင်ႈႁၢႆႉၸႃႉတင်းသဵင်ႈ ၸင်ႇဢွၵ်ႇမႃး။
ၵူၼ်းၵေႃႉၼိုင်ႈ ထုၵ်ႇလီႁူႉဝႃႈ လွင်ႈလီၼႆႉ ပဵၼ်လွင်ႈမေႃဢီးလူၵူၺ်း ဢပျတ်ႈၼႆႉ ပဵၼ်လွင်ႈဢမ်ႇမီးၸႂ်မေႃဢီးလူၵူၺ်း။
ၵူၼ်းၵေႃႉၼိုင်ႈ ထုၵ်ႇလီႁူႉဝႃႈ တၢင်းႁူႉဢၼ်လုၵ်ႉတီႈ လွင်ႈမေႃဢီးလူၼၼ်ႉ ပဵၼ်တၢင်းႁူႉၽြႃးပဵၼ်ၸဝ်ႈသေ လွင်ႈမူၼ်ႈသိူဝ်းဢၼ်လႆႈမႃးတီႈမၼ်းၼၼ်ႉ ပဵၼ်လွင်ႈမူၼ်ႈသိူဝ်းၽြႃးပဵၼ်ၸဝ်ႈယဝ်ႉ။
ၽူႈမီးပၺ်ႇၺႃႇၸႅတ်ႈၸၢင်ႇ ဢၼ်ပွင်ႇၸႂ် လႄႈ လႆႈႁူပ်ႉထူပ်း လွင်ႈႁူႉႁၼ် လႄႈ လွင်ႈမူၼ်ႈသိူဝ်း ဢၼ်ၸႅတ်ႈၸၢင်ႇၼႆႉ ႁိုင်ၼၢၼ်းၼၼ်ႉ ႁွင်ႉဝႃႈ ၽူႈလႆႈတၢင်းသိူဝ်းၸႂ်သုင်သုတ်းယဝ်ႉ။
ၽူႈလႆႈတၢင်းသိူဝ်းၸႂ်သုင်သုတ်းၼၼ်ႉ ပဵၼ်ၽူႈဢၼ်ႁူႉၸၵ်းၽြႃးပဵၼ်ၸဝ်ႈ လူၺ်ႈတၢင်းႁူႉသေ လႆႈၸၼ်ႉထၢၼ်ႈၽြႃးပဵၼ်ၸဝ်ႈ။