တၢင်းသိူဝ်း ဢၼ်ပဵၼ်မႃးယွၼ်ႉ လွင်ႈလူတ်းယွမ်း တၢင်းတုၵ်ႉၶ ဢၼ်ပဵၼ်မႃးယွၼ်ႉ တၢင်းၶႂ်ႈလႆႈ ၸဵမ်ၸိူဝ်းၼႆႉၼၼ်ႉ ႁွင်ႉဝႃႈ လွင်ႈၵရုၼႃႇ ၼႂ်းလူၵ်ႈၼႆႉယဝ်ႉ။ ထုၵ်ႇလီႁူႉဝႃႈ ၶဝ်ပဵၼ် လွင်ႈမူၼ်ႈသိူဝ်း ဢၼ်လႆႈႁူပ်ႉထူပ်း ၼႂ်းၸၢတ်ႈပၢၼ် လုမ်ႈၾႃႉၼႆႉ ၵမ်ႈၽွင်ႈ။
တူဝ်မီးၸႂ်ၵမ်ႈၽွင်ႈ လႆႈၶၢမ်ႇတၢမ်ႇ ဢမ်ႇမီးၶူဝ်းၼုင်ႈ ဢမ်ႇမီးတီႈယူႇ ဢမ်ႇမီးတီႈလိၼ် တႃႇၽုၵ်ႇသွမ်ႈ ဢမ်ႇမီးမေး ဢမ်ႇမီးၽူဝ် တႃႇႁၵ်ႉ ဢမ်ႇမီးငိုၼ်း။
သင်ၸိူဝ်ႉဝႃႈ ႁဝ်းဢဝ်ၶူဝ်းၶွင် ဢၼ်လူဝ်ႇၼၼ်ႉ ပၼ်တၢင်းတုၵ်ႉၶ ဢၼ်လၢတ်ႈမႃးပႃႈၼိူဝ်ၼႆႉသေ ဢဝ်ဢွၵ်ႇပႅတ်ႈၼႆၸိုင် ႁွင်ႉဝႃႈ ၵရုၼႃႇလိၼ်မိူင်းၼႆယဝ်ႉ။ လွင်ႈမေႃဢီးလူၼႆႉ တေႁဵတ်းႁႂ်ႈ တူဝ်မီးၸႂ် မီးတၢင်းသိူဝ်းၸႂ် တင်းမူတ်းသေ ႁဵတ်းႁႂ်ႈၽြႃးပဵၼ်ၸဝ်ႈ မီးတၢင်းသိူဝ်းၸႂ် ၵမ်ႈၽွင်ႈ။
မိူဝ်ႈႁဝ်းပၼ်ၶူဝ်းၶွင် ဢၼ်လူဝ်ႇ မိူၼ်ၼင်ႇ ၶူဝ်းၼုင်ႈတၢင်းဝႆ ႁိူၼ်းယေး တီႈလိၼ် ၼၢင်းယိင်း ငိုၼ်း လႄႈ ၶိူင်ႈၸွႆႈထႅမ် ဢၼ်မိူၼ်ၵၼ် ဢၼ်ပၼ်ဝႆႉ တႃႇတေႁဵတ်းႁႂ်ႈ တၢင်းၶႂ်ႈလႆႈၶဝ် တဵမ်ထူၼ်ႈၼၼ်ႉ ၽူႈႁပ်ႉၼၼ်ႉ လႆႈတၢင်းသိူဝ်းၸႂ်။
ပေႃးဝႃႈ ၵူၼ်းတုၵ်ႉၶ လႆႈႁပ်ႉတၢင်းၸွႆႈထႅမ်သေ လႆႈၸႂ်တၢင်းတုၵ်ႉၶယဝ်ႉၸိုင် ၼႃႈတႃၶဝ် တေမွၵ်ႇၵွၼ် လူၺ်ႈတၢင်းသိူဝ်းၸႂ်။
မိူဝ်ႈႁၼ်တၢင်းသိူဝ်းၸႂ် ၽူႈႁပ်ႉၼၼ်ႉ ၽူႈမီးၸႂ်ၵရုၼႃႇ ဢၼ်ပၼ်ၼၼ်ႉၵေႃႈ ၸူမ်းသိူဝ်းၸွမ်းယူႇယဝ်ႉ။
လွင်ႈမူၼ်ႈသိူဝ်း ဢၼ်လုၵ်ႉတီႈ လွင်ႈမေႃဢီးလူ ၼႂ်းလူၵ်ႈၼႆႉ လႆႈထုၵ်ႇပိုတ်ႇၼႄ ၵမ်ႈၽွင်ႈ ၼႂ်းဢႃႇရူင်ႇၽြႃးပဵၼ်ၸဝ်ႈ။
လွင်ႈမူၼ်ႈသိူဝ်း ဢၼ်လုၵ်ႉတီႈ လွင်ႈမေႃဢီးလူ ၼႂ်းလူၵ်ႈၼႆႉ လႆႈပိုတ်ႇၼႄ တဵမ်ထူၼ်ႈ ၼႂ်းဢႃႇရူင်ႇ တူဝ်မီးၸႂ်ၶဝ်ယဝ်ႉ။
ၵွပ်ႈၼၼ် ထုၵ်ႇလီႁူႉၸၵ်းဝႃႈ ပဵၼ်ၵရုၼႃႇလေႃးၵီႇ၊
မၢႆတွင်း - သင်ဝႃႈ ၽြႃးပဵၼ်ၸဝ်ႈလႄႈ ဝိၺဵၼ်ႇ တင်းသွင် မီးတၢင်းသိူဝ်းၸႂ် တဵမ်ထူၼ်ႈၼႆၸိုင် ဢၼ်ၼၼ်ႉ ႁွင်ႉဝႃႈ တၢင်းသိူဝ်းၸႂ်သုင်သုတ်းယဝ်ႉ။