ၼႂ်းတူဝ်ၵူၼ်းၼႆႉ ဢၼ်မီးတၢင်းႁူႉ မီးသွင်ဢၼ်ၵူၺ်း။ ဢၼ်ၼိုင်ႈပဵၼ် ဝိၺဵၼ်ႇ လႄႈ ဢၼ်ၼိုင်ႈသမ်ႉ ပဵၼ်တၢင်းႁူႉၽြႃးပဵၼ်ၸဝ်ႈ (တၢင်းႁူႉသုင်သုတ်း ဢၼ်ပဵၼ်ပိုၼ်ႉထၢၼ် တၢင်းႁူႉဝိၺဵၼ်ႇ) ၼၼ်ႉယဝ်ႉ။
ၶူဝ်းၶွင် ဢၼ်မီးတၢင်းႁူႉၼၼ်ႉၵူၺ်း တေၸၢင်ႈထူပ်းၺႃး လွင်ႈလီ လွင်ႈၸႃႉ။ ၸင်ႇဝႃႈ တီႈၼႆႈ ဝိၺဵၼ်ႇၼႆႉ ၸၢင်ႈလႆႈႁူပ်ႉထူပ်း လွင်ႈလီ လွင်ႈၸႃႉ ဢၼ်ပဵၼ်မႃး တီႈတူဝ်ၶိင်းၼႆႉယူႇ။ ၸႂ်လႄႈ ဢင်ႇၵႃႇတၢင်ႇၸိူဝ်း ဢမ်ႇၸၢင်ႈႁၼ်လီ လွင်ႈၸႃႉ ယွၼ်ႉဝႃႈ ပဵၼ်ၶိူင်ႈမိုဝ်း တႃႇတူဝ်မီးၸႂ်ၵူၺ်း။ ၶိူင်ႈၸႂ်ႉတိုဝ်း မိူၼ်ၼင်ႇ ၸႂ် လႄႈ တူဝ်ၶိင်းတၢင်ႇၸိူဝ်းၼႆႉ ၽြႃးပဵၼ်ၸဝ်ႈ ႁဵတ်းဝႆႉသေ ပၼ်တူဝ်မီးၸႂ် တႃႇတေသိုပ်ႇမီး ဢသၢၵ်ႈ။ ၵူၼ်းယူႇသဝ်းၼႂ်းတူဝ်ၶိင်းၼၼ်ႉၵူၺ်း တေၸၢင်ႈထူပ်းၺႃးသင်၊ ႁိူၼ်းၼၼ်ႉ ဢမ်ႇၸၢင်ႈထူပ်းၺႃးသင် ယွၼ်ႉပိူဝ်ႈ မၼ်းပဵၼ်တူဝ်မီးၸႂ်။
မိူဝ်ႈၵူၼ်းၶဝ် ႁၼ်လွင်ႈဢၼ်လီၵူဝ် လူၺ်ႈမၢၼ်ႇတႃၶဝ်ၼၼ်ႉ ၼမ်ႉတႃမၼ်းၵူၺ်း ၸိုမ်းလူင်း၊ မၢၼ်ႇတႃမၼ်း တေဢမ်ႇႁဵတ်းႁႂ်ႈၼမ်ႉတႃတူၵ်း။ ၶိူင်ႈၸွႆႈထႅမ် ဝိၺဵၼ်ႇ မိူၼ်ၼင်ႇ ၸႂ်လႄႈ တူဝ်ၶိင်းတၢင်ႇၸိူဝ်း ဢမ်ႇၸၢင်ႈႁူပ်ႉထူပ်း လွင်ႈလီ လွင်ႈၸႃႉ။