သင်ဝႃႈ တူဝ်မီးၸႂ်ၶဝ် မီးသုၼ်ႇလိူၵ်ႈတူဝ်ၶိင်း လႄႈ လွင်ႈမူၼ်ႈသိူဝ်း ၸွမ်းၼင်ႇ တၢင်းၶႂ်ႈလႆႈၶဝ်ၼၼ်ႉ ၸႂ်ႈတႄႉၸိုင် ၶဝ်တေလႆႈတူဝ်ၶိင်း ၸွမ်းၼင်ႇ တၢင်းၶႂ်ႈလႆႈၶဝ်ၼၼ်ႉယူႇ ၵူၺ်းၵႃႈ ဢမ်ႇၸႂ်ႈၸိူင်ႉၼၼ်။
မၢင်ၸိူဝ်း မီးတူဝ်ၶိင်းတဵမ်ထူၼ်ႈသေ မူၼ်ႈၸွမ်း တၢင်းၶႂ်ႈလႆႈၶဝ်။ ၵမ်ႈၽွင်ႈ တူဝ်ၶိင်းဢမ်ႇတဵမ်ထူၼ်ႈ ဢမ်ႇမႅၼ်ႈၸွမ်းၵၢင်ၸႂ်သေ လႆႈတုၵ်ႉၶယူႇ။
ပေႃးႁဝ်းဝႃႈ လွင်ႈလႆႈတူဝ်ၶိင်းၼႆႉ ပဵၼ်လွၵ်းလၢႆးသၽႃႇဝၼႆၸိုင် သၽႃႇဝၼႆႉ ထုၵ်ႇလီပဵၼ်သၽႃႇဝဢၼ်လဵဝ် ဢၼ်ဢမ်ႇမီးလွင်ႈပႅၵ်ႇပိူင်ႈသင်ၼၼ်ႉတႃႇသေႇ။ ၵူၺ်းၵႃႈ လွင်ႈတႄႉမၼ်းတႄႉ ပိူင်ႈၵၼ် တူဝ်ၶိင်း ဢၼ်ၼိုင်ႈလႄႈဢၼ်ၼိုင်ႈ ပိူင်ႈၵၼ်။
ပေႃးပဵၼ်ယွၼ်ႉၽြႃးပဵၼ်ၸဝ်ႈ ၶႂ်ႈလႆႈၶႂ်ႈပဵၼ်ၸိုင် တူဝ်မီးၸႂ်တင်းသဵင်ႈ ႁႂ်ႈမီးဢသၢၵ်ႈ တူဝ်ၶိင်းမိူၼ်ၵၼ် ယွၼ်ႉဝႃႈ လွင်ႈၽဵင်ႇပဵင်းၽြႃးပဵၼ်ၸဝ်ႈၼႆႉ ပဵၼ်ဢၼ်လဵဝ်ၵၼ်လႄႈ ထုၵ်ႇလီမိူၼ်ၵၼ် တႃႇတူဝ်မီးၸႂ်တင်းသဵင်ႈ။ ၵူၺ်းၵႃႈ တီႈတႄႉမၼ်း မၼ်းဢမ်ႇၸႂ်ႈ ၸင်ႇဝႃႈ ႁဝ်းၶႃႈ ၸင်ႇလႆႈႁူႉဝႃႈ လွင်ႈဢဝ်တူဝ်ၶိင်းၼႆႉ ဢမ်ႇၸႂ်ႈ ၵၢင်ၸႂ်ၽြႃးပဵၼ်ၸဝ်ႈ။
မိူဝ်ႈ ဢၼ် ၽြႃးပဵၼ်ၸဝ်ႈ ၽၢၼ်ႇသႂင်း ဝႆႉ ဢွၼ်တၢင်း ၼၼ်ႉ၊ တူဝ်မီးၸႂ်ၶဝ် ဢမ်ႇလႆႈပႂ်ႉပႃး ပၵ်းပိူင် ဢၼ်မၼ်းၸဝ်ႈ တမ်းဝၢင်းဝႆႉၼၼ်ႉလႄႈ ဢမ်ႇလႆႈႁပ်ႉ တၢင်းသိူဝ်းၸႂ်သုင်သုတ်း။ မၼ်းဢဝ်တူဝ်ၶိင်း ၶိုၼ်းၶိုၼ်း ဢိင်ၼိူဝ် လွင်ႈႁဵတ်းသၢင်ႈ ဢၼ်ၵိူတ်ႇမႃး မိူဝ်ႈဢွၼ်တၢင်းၼၼ်ႉယဝ်ႉ။