ႁဝ်းတေလႆႈပွင်ႇၸႂ်တႄႉတႄႉဝႃႈဝႃႈ ၵူၼ်းၸိူဝ်းဢမ်ႇလႆႈ ၵၢၵ်ႇသေႃး ဢၼ်ႁွင်ႉဝႃႈ ၵရုၼႃႇၼၼ်ႉ ဢမ်ႇၸၢင်ႈၶဝ်ႈၵႂႃႇၼႂ်းႁိူၼ်းသုင်သုတ်းသေ ယူႇသဝ်းလႆႈတႃႇသေႇ။
ၸၢင်ႈၵႂႃႇၸမ်ႁိူၼ်းသုင်သုတ်း။ ၶဝ်တေၸၢင်ႈလႄႇလဵၼ်ႈၵႂႃႇၽၢႆႇလင် ဢမ်ႇၼၼ် ၽၢႆႇၼႃႈ တီႈယူႇတၼ်းသဝ်းသုင်သုတ်းသေ ပႂ်ႉၵၢၵ်ႇသေႃး။ ၵူၺ်းၵႃႈ ၶဝ်ဢမ်ႇၸၢင်ႈၶဝ်ႈၵႂႃႇလႆႈ သင်ဢမ်ႇမီးၸႂ်ဢီးလူ လႄႈ ၶဝ်တေပွၵ်ႈမႃးၶိုၼ်း တႃႇတေလႆႈၵၢၵ်ႇသေႃး ဢၼ်ႁွင်ႉဝႃႈ ၸႂ်ဢီးလူၼၼ်ႉယဝ်ႉ။
ၵူၼ်းပႃႈတႂ်ႈၼႆႉ ပေႃးဢမ်ႇမီးၸႂ်ၵရုၼႃႇ တေဢမ်ႇၸၢင်ႈပိုတ်ႇတီႈယူႇထႃႇဝရသေ ၵႂႃႇတီႈၼၼ်ႈ လႆႈႁပ်ႉတၢင်းသိူဝ်းၸႂ်လႆႈ။
ၸိူဝ်းႁဵတ်းၵၢၼ်ၽြႃးပဵၼ်ၸဝ်ႈ လႄႈ ႁဵတ်းၵၢၼ်ပူႇၸေႃႇ မိူၼ်ၼင်ႇ ၵႂႃႇႁႃတီႈထွတ်ႈမျၢတ်ႈ ဢၢပ်ႇၼမ်ႉၼႂ်းမႄႈၼမ်ႉထွတ်ႈမျၢတ်ႈ ယူႇသဝ်းတီႈထွတ်ႈမျၢတ်ႈ ၼပ်ႉယမ်ႁုၼ်ႇႁၢင်ႈထွတ်ႈမျၢတ်ႈ ႁဵတ်းၵၢၼ်ယွၼ်းသူး ႁွင်ႉၵႂၢမ်းမင်ႇၵလႃႇ ႁဵတ်းၵၢၼ်လူႇတၢၼ်း ၼႂ်းၾႆး ၸဵမ်ၸိူဝ်းၼႆႉ။
ရိတ်ႉသျိၼ်ႇ ၽူႈမီးပၺ်ႇၺႃႇ ၽူႈႁၼ် ၽူႈယွတ်ႈသိုၵ်း ၸိူဝ်းဢၼ်ၵိုတ်းယိုတ်း လွင်ႈၵိၼ်လွင်ႈယႅမ်ႉ လွင်ႈၼွၼ်းလပ်း ယွမ်းၵၢၼ်ႉ ၵၢၼ်လေႃးၵ ၵုမ်းထိင်း ဢင်ႇၵႃႇ လႄႈ ႁဵတ်းႁႂ်ႈၸႂ်ယဵၼ် သိတ်ႉထႃႇ ၸိူဝ်းလႆႈ တၢင်းသိူဝ်းၸႂ် ဢၼ်ဢမ်ႇမီးမၵ်းၶၢၼ်း တီႈဢႃႇၼႃႇ ဢၼ်ပူၼ်ႉလိူဝ် သၽႃႇဝၼၼ်ႉယဝ်ႉ။
ၽူႈမီးပၺ်ႇၺႃႇ ၸိူဝ်းဢၼ်ယွမ်းၵၢၼ်ႉ လွင်ႈမိုတ်ႈၵိုဝ်းၵူႈလွင်ႈလွင်ႈသေ လႆႈႁူပ်ႉထူပ်း ပရမတ်ႉထ (ၽြႃးထႃႇဝရ) ၼၼ်ႉ ပဵၼ်ၽူႈဢၼ်တဵမ်ထူၼ်ႈ။
တွၼ်ႈတႃႇၽူႈမီးတၢင်းႁူႉၶဝ်တႄႉ လွင်ႈၼႄၵရုၼႃႇတေႃႇ တူဝ်မီးၸႂ်ၼၼ်ႉၵေႃႈ ႁွင်ႉဝႃႈ ၼပ်ႉယမ်ၽြႃးပဵၼ်ၸဝ်ႈၼႆယဝ်ႉ။
ၵွပ်ႈၼၼ် ႁဝ်းတေလႆႈပွင်ႇၸႂ်ဝႃႈ လွင်ႈမေႃဢီးလူ တူဝ်မီးၸႂ်ၼၼ်ႉ ပဵၼ်လၢႆးတၢင်း ဢၼ်လဵဝ် တႃႇတေၼပ်ႉယမ်ၽြႃးပဵၼ်ၸဝ်ႈၼၼ်ႉယဝ်ႉ။