اگاں اے گپ راست بوتیں کہ ھستی ءَ وتی واھگ ءِ رد ءَ بدن ءُ لذتانی گچین کنگ ءِ آجوئی بوتگ گڑا آیاں وتی واھگ ءِ رد ءَ بدن رس اِتگ اَت بلے چوش نہ اِنت۔
لھتے کاملیں بدن ءِ واھند اَنت ءُ وتی واھگ ءَ چہ وش اَنت۔ لھتے وتی مرضی ءِ ھلاپ ءَ ناقصیں بدن ءِ واھند اَنت ءُ رنج ءُ گم ءِ آماچ اَنت۔
اگاں ما بہ گْوشیں کہ بدن ءِ گرگ یک طبیعی وسیلہ یے گڑا طبیعت مدام یک طبیعے بہ بیت ءُ ھچ وڑیں فرق ءُ تپاوت مہ بیت۔ بلے حقیقت دگہ رنگے ءَ اِنت: لاش یکے چہ دومی ءَ جتا اَنت۔
اگاں ھُدا ءِ مرضی ءِ سوب ءَ اِنت گڑا درستیں ھستی یکیں زند ءُ بدن ءِ واھند بہ بنت، پرچا کہ ھُدا ءِ انصاف یک اِنت، ءُ پہ درستیں ھستیاں یک بہ بیت۔ بلے حقیقت ءَ اے راست نہ اِنت پمیشکا ما اے گپ ءَ سرپد بوت کنیں کہ لاش ءِ زورگ ھُدا ءِ مرضی نہ اِنت۔
اولی خلقت ءَ اے چہ خدا ءِ فضل ءَ جوڑ بوتگ۔ ہستی آں آئی ءِ داتگیں قوانین ءِ سرا عمل نہ کتگ ات ءُُ نعمت ءِ بالادستی ءِ رسگ ءَ ناکام بوتگ اتنت۔ اے پیسریگیں پیدائش ءِ کارانی بنیاد ءَ پدا پدا بدن ءَ زوریت۔