Ta xagarih addat, namma caagid dubuk rookaa kee rufto lem tamixxige. Woh rooci kee Yalla. Ni mesenkacaay, intiiy, arraabaay, aytiiy, sanaay, arabaay, w.w. tanim seehadayti baxi silaacitte. Meqem akkek umam abak raag mali. too ibitte rooci silaacitte meqem kee umam abak raag geytuh. intiiy, sanaay, aytiiy, misinkacaay, w.w. taniimih silaacitte ixxiga malon. tah rooci sinni duyyeh inna. Rooci sinni duyye meqem kee umam cussuttam madudda. Nanu qiddeyti rufto le innam mafaxximta, sabab akak qiddeyti rooci sinni duyye; is ixxiga mali meqem kee umam abak raag. Toysa yi misinkaca rufto le innam mafaxximta. kah kinnim misinkaca silaaca neh. Silac tu abak raag mali.
Sahdayti xissiime qari, qiddeyti, siminto, w.w. taniimih xissiime qari tu maaba kah kinnim mano sinni duyye kinniimih taagah. Qaril yan num meqem kee umam abak raag le. Tonna kinnuk Yalli elle waarnuh qunxa qari neh bicseeh, woo qari seehadayti dagar deqsita. Sehdayti dagar tu abak raag mali. dagar addat yan rooci ruftoo kee rooka lem duudah. tonnal nanu naaxigem faxximta dubuk rooci ixxiga lem too abak raag lem. Silaacitte tan seehadayti dagarat, gabaa kee gabaay, seehadaytu catoonuh. Toysa silaacitte tu abak raag mataalla. nanu weeqa wak, ni intiita lee, ni karaarat hinna.