Ibas kula jasmani enda, dua hal ngenca banci ngenanami ceda ate ras kemalemen ate. Enda me jiwa ras Dibata. Perukurenta, matanta, dilahta, cupingta, igungta, kulitta, rsd, eme alat man manusia. Labo ialamina si mehuli ntah si la mehuli. Anggota-anggota e me alat jiwa guna nggejapken si mehuli ras si la mehuli. Alat-alat bagi mata, igung, cuping, ukur, rsd la lit pemetehna. Enda bali bagi mahluk si la nggeluh. Si la nggeluh la banci nggejapken si mehuli ras si la mehuli. Ula sikataken pasir jadi meriah ukur, erkiteken pasir eme sada hal si la nggeluh; la lit pemetehna guna nggejapken si mehuli ras si la mehuli. Emaka ula sikataken ukurku meriah. Sebab perukuren eme alat man banta. Alat enda mengalami kai pe.
Rumah si ibahan manusia, si ibahan ibas pasir, semen, rsd Rumah la mengalami kai pe erkiteken ia sada hal si la nggeluh. Kalak si tading i rumah e ngenanami si mehuli ras si la mehuli. Emaka ibahan Dibata sada rumah si kitik man inganta tading, eme rumah si igelari kula manusia. Tubuh manusia la banci ngenanami kai pe. Tendi, si lit i bas kula, banci nggejapken kesenangen ras ceda ate. Jadi harus siteh maka jiwa ngenca si lit pemetehna si banci ialami. Alat-alat lit i bas kula manusia, bagi anggota tubuh, guna nampati manusia. Jadi alat-alat e la banci ngenanami kai pe. Adi tangis kita, matata erburak, labo kacamata.